2015 جىلعى 20 ءساۋىر, استانا قالاسى
حالىققا جانە ازاماتتىق قورعاۋ سالاسىنداعى ماماندارعا حابار بەرۋ, ءبىلىمدى ناسيحاتتاۋ, وقىتۋ قاعيدالارىن بەكىتۋ تۋرالى
«ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ 12-بابى 1-تارماعىنىڭ 70-13) تارماقشاسىنا سايكەس بۇيىرامىن:
1. قوسا بەرىلىپ وتىرعان حالىققا جانە ازاماتتىق قورعاۋ سالاسىنداعى ماماندارعا حابار بەرۋ, ءبىلىمدى ناسيحاتتاۋ, وقىتۋ قاعيدالارى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا جاريالاۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ۆ.ك. بوجكوعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر پوليتسيا گەنەرال-لەيتەنانتى ق. قاسىموۆ
قازاقستان رەسپۋبليكاسى ىشكى ىستەر ءمينيسترىنىڭ
2015 جىلعى 24 ساۋىردەگى № 381 بۇيرىعىمەن بەكىتىلگەن
حالىققا جانە ازاماتتىق قورعاۋ سالاسىنداعى ماماندارعا حابار بەرۋ, ءبىلىمدى ناسيحاتتاۋ,
وقىتۋ قاعيدالارى
1. جالپى ەرەجەلەر
1. وسى حالىققا جانە ازاماتتىق قورعاۋ سالاسىنداعى ماماندارعا حابار بەرۋ, ءبىلىمدى ناسيحاتتاۋ, وقىتۋ قاعيدالارى (بۇدان ءارى – قاعيدالار) «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ (بۇدان ءارى – زاڭى) 12-بابى 1-تارماعىنىڭ 70-13) تارماقشاسىنا سايكەس ازىرلەندى جانە حالىققا جانە ازاماتتىق قورعاۋ سالاسىنداعى ماماندارعا حابار بەرۋ, ءبىلىمدى ناسيحاتتاۋ, وقىتۋ ءتارتىبىن ايقىندايدى.
2. حالىققا جانە ازاماتتىق قورعاۋ سالاسىنداعى ماماندارعا حابار بەرۋ,
ءبىلىمدى ناسيحاتتاۋ, وقىتۋ ءتارتىبى
2. ازاماتتىق قورعاۋ سالاسىنداعى ۋاكىلەتتى ورگاننىڭ ۆەدومستۆوسى (بۇدان ءارى – ۋاكىلەتتى ورگاننىڭ ۆەدومستۆوسى) توتەنشە جاعدايدىڭ تۋىنداۋ قاتەرى تۋرالى بولجام بولعان كەزدە كۇنى بۇرىن حالىققا حابار بەرۋدى قامتاماسىز ەتەدى جانە ازاماتتىق قورعاۋ سالاسىنداعى ءبىلىمدى ناسيحاتتاۋدى ۇيىمداستىرادى.
«ازاماتتىق قورعاۋ تۋرالى» قازاقستان رەسپۋبليكاسىنىڭ زاڭىمەن جۇكتەلگەن وكىلەتتىكتەرگە سايكەس مەملەكەتتىك ورگاندار, ۇيىمدار مەن قوعامدىق بىرلەستىكتەر ازاماتتىق قورعاۋ سالاسىندا حابار بەرۋدى جانە ءبىلىمدى ناسيحاتتاۋدى جۇزەگە اسىرادى.
3. ازاماتتاردىڭ قاۋىپسىزدىگى مەن دەنساۋلىعىنا قاتەر توندىرەتىن توتەنشە جاعدايلار تۋرالى اقپارات جاريا جانە اشىق بولىپ تابىلادى جانە ازاماتتىق قورعاۋدىڭ قۇلاقتاندىرۋ جۇيەسى مەن بۇقارالىق اقپارات قۇرالى ارقىلى حالىققا بەرىلەدi.
4. جاعدايدى قاداعالاۋ, باقىلاۋ مەن تابيعي جانە تەحنوگەندىك سيپاتتاعى توتەنشە جاعدايلاردى بولجاۋ قىزمەتى (سەيسمولوگيالىق قىزمەت, سەل جۇرەتىنىن حابارلاۋ, رادياتسيالىق قاۋىپسىزدىكتى باقىلاۋ جۇيەلەرى جانە باسقالار) الدىن aلy ماقساتىندا قازاقستان رەسپۋبليكاسىنىڭ اۋماعىندا جانە (نەمەسە) ىرگەلەس مەملەكەتتەردىڭ شەكارا ماڭىنداعى اۋماعىندا توتەنشە جاعدايلاردىڭ تۋىنداۋ قاتەرى كەزىندە ۋاكىلەتتى ورگان ۆەدومستۆوسىنىڭ ءتيىستى اۋماقتىق بولىمشەسىنە ونىڭ سيپاتتامالارىن كورسەتە وتىرىپ, قاجەتتى اقپاراتتى دەرەۋ ۇسىنادى.
5. ۋاكىلەتتى ورگان ۆەدومستۆوسىنىڭ اۋماقتىق بولىمشەسى توتەنشە جاعدايدىڭ تۋىنداۋ قاتەرى تۋرالى اقپارات العان كەزدە بۇل تۋرالى توتەنشە جاعدايلار بولجاناتىن ايماقتاعى حالىققا, سونداي-اق توتەنشە جاعدايلار تۋىنداعان كەزدە ولاردىڭ ءىس-ارەكەتى ءتارتىبى تۋرالى دەرەۋ حابار بەرەدى.
6. ورتالىق جانە جەرگىلىكتى اتقارۋشى ورگاندار حالىققا ازاماتتىق قورعاۋ سالاسىندا وزدەرى قابىلداعان شارالار تۋرالى حابار بەرەدى.
7. ازاماتتىق قورعاۋ سالاسىندا حابار بەرۋ جانە ءبىلىمدى ناسيحاتتاۋ:
1) حالىققا بۇقارالىق اقپارات قۇرالدارى ارقىلى, ونىڭ ىشىندە رەسپۋبليكالىق جانە وبلىستىق (قالالىق) تەلەارنالاردا ارنايى باعدارلامالار قۇرۋ ارقىلى, توتەنشە جاعدايلار كەزىندەگى ءىس-قيمىل ءتارتىبى تۋرالى حابار بەرۋدى ۇيىمداستىرۋدى;
2) ازاماتتىق قورعاۋ سالاسىنداعى ءبىلىمدى, تۇرمىستاعى جانە وندىرىستەگى قاۋىپسىزدىك قاعيدالارىن ناسيحاتتايتىن تۇراقتى جاريالانىمداردى, باسىلىمداردا, ينتەرنەت-رەسۋرستاردا, تەلەراديو حابارلارىن تاراتۋ جەلىلەرى بويىنشا حابارلاردى بەرۋدى ۇيىمداستىرۋدى قامتيدى.
ازاماتتىق قورعاۋ سالاسىندا ءبىلىمدى ناسيحاتتاۋ حالىقتى وسى قاعيدالاردىڭ 9-تارماعىنا سايكەس ازاماتتىق قورعاۋ سالاسىندا وقىتۋ كەزىندە دە جۇزەگە اسىرىلادى.
8. ازاماتتىق قورعاۋ سالاسىنداعى ءبىلىمدى ناسيحاتتاۋ جوسپارىن ۋاكىلەتتى ورگان ۆەدومستۆوسىنىڭ اۋماقتىق بولىمشەلەرى جەرگىلىكتى اتقارۋشى ورگاندارمەن كەلىسۋ بويىنشا ازىرلەيدى جانە بەكىتەدى.
9. ازاماتتىق قورعاۋ سالاسىندا حالىقتى جانە مامانداردى وقىتۋ وسى بىرىڭعاي جۇيە شەڭبەرىندە ۇيىمداستىرىلادى جانە مىنالاردى:
1) ازاماتتىق قورعاۋدىڭ باسقارۋ ورگاندارىنىڭ باسشى قۇرامى مەن ماماندارى, ءبىلىم بەرۋ ۇيىمدارىنىڭ, بۇقارالىق اقپارات قۇرالدارىنىڭ باسشىلارى ءۇشىن ۋاكىلەتتى ورگان ۆەدومستۆوسىنىڭ جانە ىنتىماقتاستىق تۋرالى ۋاكىلەتتى ورگان كەلىسىم جاساسقان شەت مەملەكەتتەردىڭ ۇيىمدارى مەن وقۋ ورىندارىندا دايارلىقتان جانە قايتا دايارلىقتان ءوتۋدى;
2) قالاداعى اۋدانداردىڭ, اۋداندىق ماڭىزى بار قالالاردىڭ, اۋىلداردىڭ, كەنتتەردىڭ, اۋىلدىق وكرۋگتەردىڭ اكىمدەرى, سونداي-اق ۇيىمداردىڭ, مەكتەپكە دەيىنگى تاربيە بەرۋ جانە وقىتۋ ۇيىمدارىنىڭ باسشىلارى, ازاماتتىق قورعاۋ قۇرالىمدارىنىڭ كومانديرلەرى, ۇيىمدارداعى ازاماتتىق قورعاۋ جونىندەگى ساباق توپتارىنىڭ جەتەكشىلەرى, بارلىق تۇردەگى جالپى ءبىلىم بەرەتىن مەكتەپتەر مەن ورتا كاسىپتىك وقۋ ورىندارىنىڭ وقىتۋشىلارى, قاۋىپتى وندىرىستىك وبەكتىلەردىڭ باسشىلارى ءۇشىن ۋاكىلەتتى ورگاننىڭ اۋماقتىق بولىمشەلەرىندە دايارلىقتان جانە قايتا دايارلىقتان ءوتۋدى;
3) زاڭنىڭ 16-بابى 5-تارماعىنىڭ 4) تارماقشاسىنا سايكەس ازاماتتىق قورعانىس بويىنشا ساناتتارعا جاتقىزىلعان ۇيىمداردىڭ جۇمىسكەرلەرى ءۇشىن جۇمىس ورنى بويىنشا دايارلىقتان ءوتۋدى;
4) ازاماتتىق قورعانىس بويىنشا ساناتتارعا جاتقىزىلماعان ۇيىمداردىڭ جۇمىسكەرلەرى ءۇشىن, سونداي-اق جۇمىس ىستەمەيتىن حالىق ءۇشىن – راديوحابارلاردى تىڭداۋ, ينتەرنەت-رەسۋرستى, تەلەباعدارلامالاردى, جادىنامالاردى, پاراقشالار مەن بۋكلەتتەردى قاراۋ, توتەنشە جاعدايلاردىڭ الدىن الۋ جانە ولاردى جويۋ تاقىرىبى بويىنشا وتكىزىلەتىن ءىس-شارالارعا بارۋ ارقىلى توتەنشە جاعدايلاردان قورعانۋ ماسەلەلەرىن دەربەس زەردەلەۋدى;
5) وقۋ ورىندارىنىڭ ستۋدەنتتەرى جانە وقۋشىلارى ءۇشىن – «ءومىر قاۋىپسىزدىگىنىڭ نەگىزدەرى» ءپانىنىڭ وقۋ باعدارلامالارى بويىنشا ساباقتار وتكىزۋدى, توتەنشە جاعدايلاردىڭ الدىن الۋ تاقىرىبى بويىنشا ءتۇرلى كونكۋرستارعا قاتىسۋدى;
6) مەكتەپكە دەيىنگى مەكەمەلەردەگى بالالار ءۇشىن – ويىندار وتكىزۋدى, قورشاعان ورتاداعى قاۋىپسىز ءجۇرىس-تۇرىس بويىنشا ەرتەگىلەر مەن بالالارعا ارنالعان كىتاپتاردى تىڭداۋدى, اتا-انالارىمەن اڭگىمەلەسۋدى;
7) ازاماتتىق قورعاۋ سالاسىنداعى ماماندار ءۇشىن ىنتىماقتاستىق تۋرالى ۋاكىلەتتى ورگانمەن كەلىسىم جاساسقان قازاقستان رەسپۋبليكاسىنىڭ جانە شەت مەملەكەتتەردىڭ وقۋ ورىندارىندا دايارلىقتان ءوتۋدى كوزدەيدى.
10. ءىس-قيمىل داعدىلارىن پىسىقتاۋ جانە العان بىلىمدەرىن بەكىتۋ ءۇشىن حالىق جانە ازاماتتىق قورعاۋ سالاسىنداعى ماماندار تۇرعىلىقتى جەرى, وقۋ جانە جۇمىس ورنى بويىنشا وقۋ-جاتتىعۋلار مەن ماشىقتانۋلارعا تارتىلادى.
11. توتەنشە جاعدايلار مەن اسكەري قاقتىعىستار تۋىنداعان كەزدە نەمەسە وسى قاقتىعىستار سالدارىنان قورعانۋ تاسىلدەرى مەن ءىس-قيمىلدارعا ازاماتتىق قورعاۋدىڭ باسقارۋ ورگاندارى مەن كۇشتەرىنىڭ باسشىلارىن, ماماندارىن دايارلاۋدىڭ, حالىقتى وقىتۋدىڭ وقۋ باعدارلاماسىن زاڭنىڭ 12-بابى 1-تارماعىنىڭ 42) تارماقشاسىنا سايكەس ۋاكىلەتتى ورگان بەكىتەدى.
12. ءاربىر وقۋ توبىن وقىتۋ پراكتيكالىق جاتتىعۋلار وتكىزۋمەن جانە تەستىلىك تاپسىرمالار تاپسىرۋمەن اياقتالادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11134 بولىپ ەنگىزىلدى.